ماجيت اطلبك ترد لي واترجاك
ولاجيت اطلب الرضا من عيونك
جيتك اقول اليوم انا ما ابغاك
رد لي قلبي وخلك بكونك
لي عزة نفس وقيمة تعداك
ولي رجاحة عقل ماتطاوع جنونك
ولي قدر ياصغير القدر يعلاك
ولي همة اكبر من ظنونك
انا برحل واتركك واتناسك
واتركك مع ناس تحسبهم يبونك
ولاتحسب اني بيوم بحن لذكراك
والله مارجع للجروح وطعونك
ولاتحسب اني مااقدر اعيش بلياك
ولااقدر اكمل رحلة العمر بدونك
غرك نداء الحساد هذا وذاك
وهزت رياح الجفاء عالي غصونك
ياكيف تبيع اللي بالغالي شراك
وارخص المال والروح من دونك
خمس سنين وقلبي وسط يمناك
تلعب به على كيفك واقول مفتونك
ايام وليالي منيتي بس رضاك
تطلب وتآمر واقول ياعونك
لكن جرحتني بقولك بنساك
ودور لك ارض تلتقي مزونك
وبانت لي يالردي خافي نواياك
ولاصنت قلب دايم يصونك
والله ثم والله لحرق حشاك
وارد لك كل الجروح وطعونك
اعرف انا طبك واعرف انا دواك
واعرف اذوقك العذاب باقي سنونك
واليوم ابرحل عنك واتحداك
ماتحن لشوفتي وتدمع عيونك
موضوع: ما جيت اطلبك ترد لي واترجاك 
السبت ديسمبر 20, 2008 9:33 am
